Work in progress: Mariñadas

Non me esquezo do primeiro "cadro grande" que me propuxen para este ano. Para quen non o saiba, hai un par de meses pedín axuda para escoller a que escrito deste blog adicarlle un cadro. O resultado publiqueino a finais de febreiro e nos bocetos de hai un mesiño puidestes ver a idea que pensei en utilizar (a da última imaxe).

Pois ben, a idea xa está trasladada a un lenzo e a cousa vai avanzando! Aquí vos deixo unha parte do proceso.

Thunnus alalunga Bonaterre. Seica.

Con medio acrílico e un peine as aletas parecen máis aletas.

Branco de recheo para ver se a cousa vai collendo forma.

Bonito de ollo hipnotizante...

As aletas xa lle dan outro aire.

Coa cabeciña rematada. Aínda que se cadra sorrí de máis...

Bonito fresco!

Non lembro a última vez que intentara pintar á man sen cores planas, procurando un chisco de realismo, e a verdade é que estou máis que contenta. O seguinte paso é darlles cor a unhas patas de calamar que asoman por aí embaixo.

Seguiremos informando!