Un ballestrinque e un cote


Cun ballestrinque no peito
e un cote na tempa,
non hai auga de trebón que me arrede do teu colo

Guíame, 
intenso,
o nordés
e chámame á túa lareira

Sabes?
Non precisas falarme do lume
cando xa me quentaches os pés

Apocalipse sen ti

Foto de Ben Toller


No ilóxico pavor dun despegue
e contra o vento feroz deste febreiro
non hai sangue nos vidros rotos

Nas tétricas néboas dun día a soas
ollo o abismo desta fin

E sei que eu
só temo a apocalipse
sen ti

Dot:53 - Analoxía


Unha bimensualidade máis, aquí tedes a miña ilustración na Revista Dot. Imos xa polo número 53 (podedes lela online aquí).