a responsabilidade tornóuselle estrés
e deron en sangrarlle as ideas.
pediu unha esmola de comprensión
e coma moitas esmolas
déronlla fóra da casa.
recolléronlle aquel zume de presión
sen luxuria
sen engano
e el cometeu o erro de namorarse da idea
de non ter estrés
ou, se cadra, de non ter responsabilidades.
Re: busco recipiente para zume de estrés
22 de febreiro de 2010
Categorías:
arquivo,
escrito ilustrado,
gramática,
ilustración,
poemas
O resultado
19 de febreiro de 2010
no fondo, non era nin muller nin paxaro.
era unha besta agochada trala dualidade dun descoñecido ser mitolóxico,
o resultado de ser devorada tantas veces,
de térenlle remexido as entrañas
con mentiras.
a salvación, sempre se soubo, está nas ás,
ben dos anxos, ben da águia que unha leva ás costas.
era unha besta agochada trala dualidade dun descoñecido ser mitolóxico,
o resultado de ser devorada tantas veces,
de térenlle remexido as entrañas
con mentiras.
a salvación, sempre se soubo, está nas ás,
ben dos anxos, ben da águia que unha leva ás costas.
Categorías:
arquivo,
escrito ilustrado,
gramática,
ilustración,
poemas
Os meus domingos
16 de febreiro de 2010
Non temos nada en contra do día.
Tampouco nada a favor.
A min gústame pensar que te quero igual todos os días.
A ti gústache que os domingos sexan domingos.
Querería dicirlle á xente que os domingos levo unha vida bohemia,
que disfruto dos praceres máis sinxelos da vida dos que sempre falan os intelectuais.
Querería dicirlles que leo os periódicos tomando o café,
que poño a radio mentres me ducho
e logo saio pasear na calma dominical.
Se me chegaran as ondas do mar pola radio
poida que a puxese,
pero o certo é que vexo a tele.
Vexo debuxos animados
con sumo interés
e tomo torradas con aceite co café
con non menos interés.
Unha ducia de bailarinas
7 de febreiro de 2010
Cando se achega a noite,
as bailarinas chegan ao cabaret de incógnito.
Son corpos de pulida madeira de buxo,
carcasas baleiras agás polos enferruxados mecanismos que as gobernan.
Onde a miña vista as perde,
cúbrense de plumas e peles,
de sorrisos e insinuación,
e outros homes gozan dos seus movementos,
mentres eu agardo o día
neste escuro cuarto.
Subscribirse a:
Publicacións (Atom)