Ola! Son Sabela e este é o meu blog.

Nacín o mesmo día que a MTV e tres antes que Fernando Alonso, en Burela, aínda que daquela nos ían nacer a Lugo. Gústame dicir que son de Cervo dende que a miña familia se mudou alí pero, dende hai xa abondo anos, son viguesa de adopción.

O que máis me gusta do mundo é escribir e debuxar, e espero que algún día me poida dedicar a facelo a todas horas. Por agora, só o fago algunhas, pero é abondo* para botar este blog para diante e para ir sacando algún libro, como a triloxía As Crónicas de Landereina.

Neste blog atoparás algúns poemas e relatos, pero, sobre todo, ilustracións e entradas sobre escritura, literatura, arte e creatividade. 

Consulta todas as etiquetas e temas
do blog nesta páxina.

O que debuxo tamén anda por aquí e na Revista Dot cada dous meses.

Tamén me gusta ler, cociñar, saír cos amigos, sacar fotos, xogar a videoxogos, ver series, aprender idiomas, facer manualidades, ler blogs e buscar historias.

Tes que saber, ademais, que este blog vén de lonxe. Nel, hai entradas escollidas que viñeron comigo para esta nova versión, pero os orixinais aínda se poden visitar na rede. Todo comezou con O Café das Letras (2005-2009) e seguiu coa Gramática de Corpos orixinal (2009-2014), da cal este blog que visitas é unha continuación recodificada, por chamarlle dalgún xeito.

Tes algunha pregunta? Só queres saudar? Podes escribirme dende a páxina de contacto ou buscarme en Facebook, Twitter, Goodreads, Instagram ou Pinterest.


Se quedaches con gana de máis (ti saberás), aquí tes fotos, videos e entrevistas:


FOTOS E VÍDEOS


ENTREVISTAS
 





*O certo é que, por desgraza, non sempre é abondo. Aínda que vexas poucas actualizacións, o certo é que sigo por aquí, só que non me dá a vida para todo. Pouco a pouco, segundo poida, espero seguir compartindo contigo as miñas cousas de autora, ilustradora e persoa. Apertas!