Non namoro cunha ollada


Non namoro cunha ollada
pero sei amar mesmo coa punta dos pés.

Estudo aos meus homes coa xema do dedo
e nun almoumiño memorizador
reteño mesmo o labirinto cartilaxinoso das súas orellas.

Non namoro cunha ollada
pero xa non teño medo de non namorar.

Gardo os meus nenos na caixa do peito
e latéxoos veña vento ou treboada
baixo carraxe ou saloucos
ata que dormen tranquilos.

Non namoro cunha ollada
pero non canso de mirarvos
ata namorar
un cento de veces
cada día
e cada segundo
en todas as olladas.

Ilustración para a Dot:73


Coma quen non quere a cousa, aló van un par de meses e chega unha nova Dot.  E eu fago unha breve aparición para vos deixar aquí a miña ilustración e texto ao que acompaña.

Gañadora do sorteo dunha triloxía completa


Chegou o día de desvelar a gañadora do sorteo! 
Como vos contei na entrada do pasado día 20, para celebrar que o venres 24 presentamos o peche da triloxía de As Crónicas de Landereina, sorteamos unha triloxía completa e dúas chapas de Sangue de Lúa.

Ilustración para a Dot:72 + Ilustradots Vol. 2


Mesmo se aínda lle faltan uns días para saír á rúa, tráiovos hoxe a ilustración e o poema para a Dot:72 e así aproveito para vos falar do proxecto Ilustradots Vol. 2.

Sorteo dunha triloxía completa de As Crónicas de Landereina


Para celebrar que esta semana faremos a presentación oficial do último volume da miña triloxía, As Crónicas de Landereina, quero facervos un regaliño.