OS LIBROS
Ao sur das grandes montañas Kaii e da cadea Sophesiw esténdese o reino de Landereia, unha terra na que conviven amazonas, druídas, ananos e bandidos, sucada polo escuro bosque de Etlual, fogar de centauros e elfos. Landereina vive en paz grazas ao goberno da dinatía dos Gheiroez. O rei Bogardo segue a esforzarse en reconstruír o reino, igual que o fixeron os seus antepasados dende que Argun II lograra derrotar o malvado Wiasmau, quen durante décadas tiranizara as súas terras grazas ao poder da Pedra de Lúa. Pero a felicidade en Landereina está en perigo de novo: o exército escuro dos kaihunn avanza polas vilas baixo as ordes dun novo e descoñecido tirano que busca destronar os Gheiroez e facerse coa Pedra de Lúa e, con ela, co poder sobre Landereina.
Sinopse: Durante corenta anos, Landereina sufriu baixo o poder do malvado Wiasmau. O reino xa está recuperado, pero a historia está a piques de se repetir, a menos que alguén consiga destruír a poderosa Pedra de Lúa.
Nunha pequena cabana, nunha praia esquecida do mundo, Berenguela descubrirá que o seu destino é moi distinto ao que sempre pensara. Descubrirá que salvar o reino pode estar nas súas mans.
Editorial Galaxia
Data de publicación: xuño, 2013
Páxinas: 223
ISBN: 978-84-9865-487-5
Sinopse: Mentres a malvada man que pretende facerse co control do reino segue xuntando as partes da Pedra de Lúa grazas ao sangue de Ohn, príncipe de Landereina, Berenguela e Güenaela deixan atrás o bosque de Etlual para partir na procura do terceiro feitizo, o que destruirá para sempre a maxia do poderoso amuleto.
En Svörie, a illa dos sabios, descubrirán os segredos da súa montaña, do seu poder e, tamén, de como o pasado uniu o destino dos Gheiroez e do malvado Wiasmau.
Sinopse: Coa apócema de destrución da Pedra de Lúa xa nas súas mans, Berenguela e Güenaela deben escapar da illa dos sabios para dar chegado á capital de Landereina e rescatar ao príncipe Ohn. Alí, a traidora segue a gañar terreo, aterrorizando o reino e sen ceder na súa procura de todos os anacos do amuleto máxico que lle conferirá o máximo poder co que levar a cabo o seu tiránico goberno.
O castelo semella distante mentres os problemas seguen a xurdir no seu camiño, mais Berenguela e Güenaela non decansarán ata xuntar o sangue dos Gheiroez elixidos, pois só así poderán destruír a Pedra de Lúa e derrotar á malvada Maëriss para poñer a salvo, por fin e para sempre, o reino de Landereina.
AS TERRAS DE LANDEREINA E AS SÚAS XENTES
Ao comezo de cada libro podes atopar o mapa das terras de Landereina. Se queres saber máis sobre que hai en cada rexión, podes consultar este enlace.
Nas Crónicas de Landereina hai moitos personaxes, dende a familia real ata os centauros, pasando por amigos e inimigos, ananos e amazonas. Nos seguintes enlaces, tes unha listaxe cos personaxes por orde alfabética, cunha breve descrición. Ollo! Se non liches os libros, algunha descrición pode destriparche algunha parte da historia. Avisado/a quedas!
- Fai clic aquí para ver os personaxes de Bágoa de Lúa
- Fai clic aquí para os personaxes de Bágoa de Lúa e Feitizo de Sangue
- Fai clic aquí para os personaxes de Bágoa de Lúa, Feitizo de Sangue e Sangue de Lúa
MÁIS INFORMACIÓN & MEDIOS
Para saber máis sobre eventos relacionados cos libros, podes seguir ou reler as publicacións etiquetadas como #landereina, aquí, ou escribirme!
FOTOS E VÍDEOS
ENTREVISTAS
