NaNoWriMo >> 5 días despois

Falábavos na anterior entrada do reto NaNoWriMo. Collino con moitas, moitas ganas e estiven facendo garabatos con personaxes, posibles argumentos e esas cousas. Pero o mes comeza en fin de semana e as fins de semana sonvos o demo! E máis o demo aínda foi o catarrazo que pillei, que me tivo co cerebro anulado ata onte, 5º día xa de novembro!



Así e todo, penso recuperar o tempo perdido. Levo 1.669 palabras  mentres escribo estas liñas (só! *ainsh*) pero tamén me fai ilusión estar aproveitando para probar novas ferramentas de traballo. Por un lado, Novlr, un escritorio sinxelo (en beta) que por agora permite poucas florituras pero moita concentración e, por outro lado, Toggl, unha aplicación para medir o tempo de traballo nos distintos proxectos (todo isto por non dicir time tracker), que xa teño usado algunha vez, pero nunca con perseverancia. Con isto, as palabras cóntanse soas e sei canto me levou "parilas". Está por ver que mellore algo, pero sacar estatísticas sempre mola (sempre que sexan positivas, claro).

Así imos. Tarde, mal e arrastro. Pero imos.

Por se vos fai falla un discurso motivacional para poñer ás tropas a andar, botádelle un ollo ás pep-talks  de NaNoWriMo, coma esta de Veronica Roth, deste ano, ou a de Neil Gaiman, do 2007. Iso si, están en inglés e, a verdade, ía poñerme a traducírvolas (de verdade!) pero, sabedes que? Toca seguir escribindo!
Veronica Roth (fonte: tumblr )














Ningún comentario

Cóntame!