Ilustración para a Dot:69


Aínda que o enlace para ler a revista non está publicado aínda na web da Revista Dot, o domingo fíxenme co meu exemplar en papel do número 69, polo que vos traio a ilustración que fixen para el.
A ilustración, feita a tinta agás polo trazo vermello de acuarela en dixital, recupera unha vez máis un texto de hai tempo, concretamente Os amores non se enfían, de 2012.

Aquí vos deixo o texto :) Espero que vos guste.
E ata pronto :)


Hai amores contrafeitos
que se tornan parafuso,
premen na carne a súa ferruxe
en avance helicoidal
                                               cara ao corazón
                                               cara ao orgullo
                                               cara ao erro.

Hai amores contrafeitos
que resultan ser chanzos,
que te empurran na distancia
                                               cara a embaixo
                                               cara a enriba
                                               cara a outro.

Hai amores contrafeitos
que non son máis ca un ensaio
                                                para min
                                                para ti
                                                para nós.


Ningún comentario

Cóntame!