Folla de produtividade [Descargable gratuíto!]

Imaxe de Pixabay

Cando vos falei das ferramentas para planificadores/as, amoseivos un pantallazo do arquivo tipo Excel que emprego a través de Google Drive para levar conta das palabras que levo escritas e das que me quedan. É un arquivo que me resulta útil e que quero compartir con vós.

Durante estes días de ausencia, non só lle fixen cambios de imaxe ao blog, senón que estiven preparando o meu primeiro descargable: a folla de produtividade da que vos falei.

Púxena algo máis bonita, engadín explicacións e xa está lista para descarga nesta nova páxina do blog ("tenda", por chamarlle algo).
(EDITADO 05/2017: Veño de eliminar a páxina de "tenda" do menú dado que me parece inútil ter unha páxina para unha soa descarga, así que podedes atopar o descargable aquí abaixo. Se engado máis descargables, terán a etiqueta "descargable" correspondente).

Podedes descargar os arquivos en formato Excel (.xlsx) tanto en galego como en castelán (dádelle uns segundos á descarga dende que premedes no enlace).

TÁBOA DE PRODUTIVIDADE

Un excel sinxelo que te guía para medir a túa produtividade.

Permite fixar un obxectivo de data e número de palabras e facer un seguimento dos teus progresos (pero lembra que o importante é disfrutar!).

Descarga gratuíta: [Excel Galego] [Excel Castelán]


Se tedes algún problema coas táboas, algunha dúbida ou algunha suxestión, non esquezades que podedes contactar comigo aquí. Espero que vos resulte útil!